أليغترب خيارنا يستر حالو و حالنا

**الأستاذ عبدالرازق** الجمعة مايو 18, 2012 10:25 am

مشينا في كل الجهات الأربعة .. محل ما في واطة .. تلقى سوداني .. بجبة و توب و لو ما الظروف بسيف و سكين ..: أنقيف حبة و نقول ليكم حكاية ... مافي زولا بعرفو بإسمو .. سمرتنا و جلابيتنا و كلامنا و طيبتنا و عشرتنا و آآآآي ..كلها لافتات بتقول إنت سوداني .. سفيرنا مو بس الدبلوماسي القاعد جوة السفارة .. إنت و أنا و هو و هي كلنا سفرا بلدنا ..
قالوا العين بتشوف النقطة الصغيرة و عميانة تشوف الجلابية البيضاء و مكوية .. حقوا يا جماعة سمعتنا هي الترفرف قبل العلم .. و كل سوداني مفروض يكون لسان حالنا بأفعالو و أقوالو .. مش تمثيل و لبس أقنعة .. أبدا و الله .. الكرم كرم لو مديت موية بقرعة .. و الطيبة طيبة لو بشيت ببسمة و إيدك فاضية .. قالو الفضيحة و السترة متباريات .. سألتكم بالله ما تنشرو غسيلنا .. آآآآي ما بنرضا الحقارة بس تكون في فرامل لحرارة القلب .. و زيد رصيدك من لعن الشيطان .. إنت توبنا البنغطا بيهو .. و إنت ضهرنا البسندنا و إنت خيارنا .. استر حالك و حالنا.

**كمال مدني** السبت مايو 19, 2012 5:17 am

نعم فلكن خير سفراء لذلك البلد الحبيب الذي يتربع حبه
في فؤادنا .. سمات ومظهرا جلابية وتوب وسروال ومركوب وسيدري،،،
و بنفس الكلمات الدلالية أهل الحارة والحوبة ومركز الضيفان ،،
وغيرهم وغيرهم التي ترسم ملاحك وملاحك تراب الوطن
الغالي في كل بلاد المهجر.

**هيثم فتحي عبد الماجد** السبت مايو 19, 2012 7:09 am

أستاذنا الفاضل عبد الرازق صبااااااااحاتك بيوض زى بياض جلابيتنا وقلوبنا مر رجل على الحبيب المصطفى صلى الله عليه وسلم ومعه أصحابه والرجل ذو هندام وصحه فقال صلى الله عليه وسلم ماذا تقولون فى هذا ؟ قالوا هذا لو تكلم سمع له ولو أراد الزواج زوج فسكت فداه أمى وأبى ونفسى عليه الصلاة والسلام ثم مر رجل رث الثياب ضعيف البنيه كئيب الهيئه فقال صلى الله عليه وسلم ماذا تقولون فى هذا ؟ قالوا هذا إذا تكلم ماسمع له وإذا أراد الزواج مازوج فقال طبيب القلوب ودوائها ومربى النفوس وقلوبها صاحب الخلق الرفيق صلى الله عليه وسلم والله أن هذا عند الله خير من ملئ الارض من مثل ذاك أو كما قال الحبيب صلى الله عليه وسلم فالمقياس ليس المظهر الرجل الحقيقى الذى يكون سفيرا لوطنه ولدينة بأخلاقه وتوحيده لربه سبحانه وتعامله الحسن فذاك نعم الرجل ونعم السفير الذى يستر حاله وحالنا

أليغترب خيارنا يستر حالو و حالنا

أليغترب خيارنا يستر حالو و حالنا

رد: أليغترب خيارنا يستر حالو و حالنا

رد: أليغترب خيارنا يستر حالو و حالنا