راكوبة الأحبـــــاب

**كمال مدني** الأربعاء مايو 16, 2012 6:30 am

راكوبة ملتقي الاحباب ....
نستظل بها من وهج الغربة...
يوماتي الراكوبة مفتوحة للجميع من الصباحية
لامن تمسي الوااااااطة ....
البنابر جاهزة .... والبروش مفروشة للمابقدر اصنقر!!!...
والواطة مقشوشة وكماااان
مرشرشة والحوش همبريبو بااااااارد....
ودا المنقد الكبير ملاااااان فحم ونارووووا تلهلب
وريحة قلاية البن تجيب كل الاحباب ....
والحلة الكبيرة ملانة باللبن لي شاي الصباح...
والغنيمات في ظهر الحوش كان كمل بنجيب تاني...
وكماااان داك الجردل ملان روووب ...
وكان دايرين سفن آب بنجيبو!!!!
وبهناك الزير الكبير ...وموية النقاع ..تروي عطشان السنين..
دعُونا ... نتسامر ..نتصافي .. نختلف ونتفق...
ونسة ..ثقافة...شعر.. كل ما يحلو للأحباب...
نتفقد بعضنا بعضا...
وكان مشغول مر علي
الراكوبة وسلم علي الاحباب وعقب ارجع تاني..
الراكوبة وسيعة وبتشيل كل الاحبـــــــاب....
والدعوة لكم جميعا أيها الأحبــــــاب
ويلا اتفضلوا ....

حسن الشريف الأربعاء مايو 16, 2012 8:13 am

فكرة رائعة جداً والجميل فيها ننسي فيها هموم الغربة وياريت تكون ونسة سودانية بحتة .ذي حقت أهلي الطيبين من غير تكلف يا جماعة والله فاقدييييييييييييين حاجتنا السودانية بشدة.وتسلم يارائع

**كمال مدني** الأربعاء مايو 16, 2012 1:40 pm

حسن الشريف كتب:فكرة رائعة جداً والجميل فيها ننسي فيها هموم الغربة وياريت تكون ونسة سودانية بحتة .ذي حقت أهلي الطيبين من غير تكلف يا جماعة والله فاقدييييييييييييين حاجتنا السودانية بشدة.وتسلم يارائع

مرحب حباب ود الشريف ...
اتفضل لا جووووة..
باقي النهارية كانت مولعة نااار
كدي جر البنبر داك ...
وهاك اشرب ليك موية باردة
من النقاااااااع.....
نعم من غير تكليف ولا بروتكولات
وراكوبة تلم كل الأحباب...

طه يوسف الأربعاء مايو 16, 2012 1:50 pm

تحياتي لك د. كمال وقلنا نحجز بنبرنا من بدري وقالوا " ود البدري سمين " واذا محتاجين بناء نظيف نورد ليكم واحد من ابايو - حنوب شرق القضارف تخصص رواكيب كرانك قطاطي.

**كمال مدني** الأربعاء مايو 16, 2012 2:17 pm

طه يوسف كتب:تحياتي لك د. كمال وقلنا نحجز بنبرنا من بدري وقالوا " ود البدري سمين " واذا محتاجين بناء نظيف نورد ليكم واحد من ابايو - حنوب شرق القضارف تخصص رواكيب كرانك قطاطي.

مرحب حباب من جانا
وحباب القضارف وشرق الله البارد
وبنبرك جاهز وقرب لي جااااي
وبالحيل محتاجين نعمر الراكوبة..
باقي الخريف علي الأبواب...
بس في التبادي كدي النضيفك
بفنجان قهوة العصرية..
ومراااحب أبو يوسف

**مجدى زين العابدين** الأربعاء مايو 16, 2012 2:17 pm

فكره رائعة اخى ابو اسامه ودائما تتحفنا
بالجديد المفيد وبكره من الصباح بجيب بنبرى وبجيب
الميكانيكى معاى وبجى بس شيخ هيثم قعدو فى
الواطه عشان اتعب وخلى زول غيرو اتكلم
اصلو لو مالكزو مابسكت

ياسلاااااااااااااااااام على الافكار الجميله وطيبة القلب مع فنجان قهوة سودانيه ريحتها ترمى العتوت وفوق لى رأسك جوز حمام داخل الصفائح إقوقى فرحا وطربا بمسكنه الهادئ المليان حب وأمان وريحت الدعاش مع قلوة البن وعرييييييييييييييييض الابتسامه تنسيك سعر الدولار وقلة ذات اليد يلا بسم الله نبداء من كتاب مدارج السالكين فى منازل إياك نعبد وإياك نستعين بس يادكتور كمال لازم تحضر لينا سلبه طويله وعريضه نربط بيها أبو خالد أصلوا طوالى بقول مستعجل هههههههههههههههه
تسلم يادكتور وإن شاء الله راكوبتك عاااااااااااااااااااامره

**كمال مدني** الأربعاء مايو 16, 2012 2:36 pm

مجدى زين العابدين كتب:
فكره رائعة اخى ابو اسامه ودائما تتحفنا
بالجديد المفيد وبكره من الصباح بجيب بنبرى وبجيب
الميكانيكى معاى وبجى بس شيخ هيثم قعدو فى
الواطه عشان اتعب وخلى زول غيرو اتكلم
اصلو لو مالكزو مابسكت

مرحب حباب العزيز أبو خالد
وحباب ضيوفك والغالي الميكانيكي
كدي قبل ما تمشي ..
اكان تاخد ليك كورة من الروووب ده!!...
شايفك مستعجل بالحيل...
والكوامر وناس شيخ هيثم فرشنا ليهم
البرش بهنااااااك خليهم اقرقروا علي راحتم
باقي بنحتاج ليهم كتيييييير...
بس ما تنسي وان جاااي تجيب لينا معاااك
(الوقاية) باقي الجبنة كلما مرة تتغلب!!

تخريمة
بعرف الوقاية يا بو خالد !!!!

**مجدى زين العابدين** الأربعاء مايو 16, 2012 2:51 pm

شفت الشئ المدور الفيهو السكسك ده القاعده فيهو الجبنة
دى الوقاية زااااااااااااااااااااتا وشكرا ليك يادكتور

**كمال مدني** الأربعاء مايو 16, 2012 5:12 pm

هيثم فتحي عبد الماجد كتب:
ياسلاااااااااااااااااام على الافكار الجميله وطيبة القلب مع فنجان قهوة سودانيه ريحتها ترمى العتوت وفوق لى رأسك جوز حمام داخل الصفائح إقوقى فرحا وطربا بمسكنه الهادئ المليان حب وأمان وريحت الدعاش مع قلوة البن وعرييييييييييييييييض الابتسامه تنسيك سعر الدولار وقلة ذات اليد يلا بسم الله نبداء من كتاب مدارج السالكين فى منازل إياك نعبد وإياك نستعين بس يادكتور كمال لازم تحضر لينا سلبه طويله وعريضه نربط بيها أبو خالد أصلوا طوالى بقول مستعجل هههههههههههههههه
تسلم يادكتور وإن شاء الله راكوبتك عاااااااااااااااااااامره

حباب الشيخ هيثم ...
الليلة اتأخرت تب...
اتفضل علي البرش وامسك الكورية
مويتها باااردة لامن أجهز ليك الجبنة..
وجردل الرووب دااك اختاهو ..
عشان الصلاة دخلت !!!
وابو خالد ده خليهو علي راحتوا
بكرة بجينا من الصباحية ومعاهو
الوقاية
والسلبة دي اديها لي ابو يوسف
خلي إكرِب بيها الراكوبة دي ...

طه يوسف الخميس مايو 17, 2012 5:12 am

سؤال يحتاج الى اجابة ماهي مسميات الحطب الذي تبنى به الراكوبة؟

**كمال مدني** الخميس مايو 17, 2012 6:10 am

مجدى زين العابدين كتب:

شفت الشئ المدور الفيهو السكسك ده القاعده فيهو الجبنة
دى الوقاية زااااااااااااااااااااتا وشكرا ليك يادكتور

صباحكم زين يا الاحباب
مشكور يا بو خالد علي (الوقاية)
وهي عبارة عن مقعد توضع عليه الجبنة..
والسكسك دي من علامات الزينة...
كدي تعال نمشي نشوف ابو يوسف داك
داير اظبط الراكوبة تمام وبعدين
نجي نشوف كل ادوات الجبنة...

**كمال مدني** الخميس مايو 17, 2012 6:19 am

طه يوسف كتب:سؤال يحتاج الى اجابة ماهي مسميات الحطب الذي تبنى به الراكوبة؟

الحبيب ابو يوسف
صبحك الله بالخير
ماشاء الله عليك كربت الراكوبة تب
بي سلبة شيخ هيثم ..
وعلي قولت ود الشريف ونسة سودانية
بحتة ...عشان كدي النبدأ بالركوبة دي
ونشوف حطبها وقشها دي جنسو شنو
وبجي من ويييين....
وبعدين نقبل علي مواعين الجبنة يا بو خالد
وحطب السنط علي ما اذكر
واحد من مكوناتها...
وفي حاجة بقول ليها ( الديس) !!!

magi الخميس مايو 17, 2012 8:54 am

[b]سلام عليكم يا جماعة ....اها راكوبتكم دي فيها مكان للاخوات ؟؟؟...غايتو نحن جاهزين وما تخافوا بنعرف نقلي البن ونكرب الجبنة ....اها شوفوا لينا ركن بجيب اخواتي واجي وجهزوا لينا بنابر معاكم ....[/b]

**كمال مدني** الخميس مايو 17, 2012 1:44 pm

magi كتب:سلام عليكم يا جماعة ....اها راكوبتكم دي فيها مكان للاخوات ؟؟؟...غايتو نحن جاهزين وما تخافوا بنعرف نقلي البن ونكرب الجبنة ....اها شوفوا لينا ركن بجيب اخواتي واجي وجهزوا لينا بنابر معاكم ....[/b]

مرحب بالأخت ماجي
وبجميع الاخوات وما بتقصروا..
والبنابر جاهزة ...أكان أتملت
عقب بنجيب تاني...
وراكوبة الأحباب
تضلنا كلنا وتآلف بيننا جميعنا..

**مجدى زين العابدين** الخميس مايو 17, 2012 3:05 pm

magi كتب:[b]سلام عليكم يا جماعة ....اها راكوبتكم دي فيها مكان للاخوات ؟؟؟...غايتو نحن جاهزين وما تخافوا بنعرف نقلي البن ونكرب الجبنة ....اها شوفوا لينا ركن بجيب اخواتي واجي وجهزوا لينا بنابر معاكم ....[/b]

مرحب بيك وحبابك عشره وجيبى معاك ابوخالد
اونسنا شوية وكمان خالد ووليد عشان العبو فى التراب
المرشوشه دى بدل البلايستيشن وحاجا العولمه المابعرفهاعامله كيف دى

Abu Sara الخميس مايو 17, 2012 4:47 pm

[]بسم الله الرحمن الرحيم
السلام عليكم احبابي الكرام
ناس الراكوبة ناس الريف الحنان ولا زيف...
زكرتونا زمان زمان البادية والفرقان....
ويا ماتشوف....
زور ناس موسي في الفرقان...
وياماتشوف .. تشوف ارنب تشوف حلوف...
دروب السيل جروف في جروف...
ريحة شاييكم الكارب ابو جمرا موقد..هو الجايبنا..
ولمة الاخوان.. وونسة الشاي ( والفونقة)..

لكم التحية جميعا...ونقيل معاكم لاحقا ان شاءالله[/color]

**مجدى زين العابدين** الخميس مايو 17, 2012 5:04 pm

Abu Sara كتب:[]بسم الله الرحمن الرحيم
السلام عليكم احبابي الكرام
ناس الراكوبة ناس الريف الحنان ولا زيف...
زكرتونا زمان زمان البادية والفرقان....
ويا ماتشوف....
زور ناس موسي في الفرقان...
وياماتشوف .. تشوف ارنب تشوف حلوف...
دروب السيل جروف في جروف...
ريحة شاييكم الكارب ابو جمرا موقد..هو الجايبنا..
ولمة الاخوان.. وونسة الشاي
( والفونقة)..
لكم التحية جميعا...ونقيل معاكم لاحقا ان شاءالله[/color]

وليك الف تحية يادكتور والله نورت لينا راكوبتنا دى وكلامك سمح بالحيل
لكن الكلمة البين قوسين دى شنو كان ماتبقى لينا زى الابرى الابيض

**كمال مدني** الخميس مايو 17, 2012 5:27 pm

Abu Sara كتب:[]بسم الله الرحمن الرحيم
السلام عليكم احبابي الكرام
ناس الراكوبة ناس الريف الحنان ولا زيف...
زكرتونا زمان زمان البادية والفرقان....
ويا ماتشوف....
زور ناس موسي في الفرقان...
وياماتشوف .. تشوف ارنب تشوف حلوف...
دروب السيل جروف في جروف...
ريحة شاييكم الكارب ابو جمرا موقد..هو الجايبنا..
ولمة الاخوان.. وونسة الشاي ( والفونقة)..

لكم التحية جميعا...ونقيل معاكم لاحقا ان شاءالله[/color]

مرحب حباب دكتور الشيخ
وادخل لا جووووة
وعلي راكوبة الأحباب
نعيد زمن البادية والفرقان
وبأحلي شاي للحبان
اتفضل جر البنبر داااك
واقعد حدا ابو خالد اخوي دي
باقي الكلمة ده (الفونقة)بالحيل جديدة
علينا انا واخوي الكاشف !!
وفي انتظارك تقييل معانا تاني ..

**الأستاذ عبدالرازق** السبت مايو 19, 2012 7:41 am

أخي الدكتور كمال
لمن تكتب بلسانا السوداني القح بنقابل كلماتك بالقلب قبل الأضان ,, و الأضان ما زاد عن كونو شباك للحاجات الجوة ..

**كمال مدني** السبت مايو 19, 2012 8:06 am

عبدالرازق محمد يحيى محمد كتب:أخي الدكتور كمال
لمن تكتب بلسانا السوداني القح بنقابل كلماتك بالقلب قبل الأضان ,, و الأضان ما زاد عن كونو شباك للحاجات الجوة ..

مرحب حباب
الاستاذ عبد الرازق
وأتفضل علي البنبر واضلل
معانا في راكوبة الأحباب
وامسك الكورية ضوق موية
النقاع الباااااردة دي..
علي بال ما احضر ليك فنجان
الصباح....
ودي يا ها الراكوبة
تلم كل الحبان ونسة
بكلمات أهلنا الطيبيين الحنان
ومن جوة القليب ...

احمد بشير ابراهيم السبت مايو 19, 2012 8:27 am

سلام عليكم يا شباب
جيناكم انحنا ناس البندر كان لقينا لينا معاكم بنبر بس كان فيهم واحد كريعاتوا طوال شوية يكون كويس باقي البنابر الواطيات ديل بخلن القومة صعبة وبتظهر علامات الكُبر, وشوفوا لينا حاجة غير القهوة دي لانها بترفع لينا الضغط وانحنا ما ناقصين, ويا كمال الروب بتاعك الماداير تديهو شيخ هيثم بالحيييييل بندوروا بس اول نجيب ليه السفن أب وكلم لينا ناس البطانه يشوفوا لينا كبده حاشي بالشطة الكاااااربة عشان ما نشربوا على بطن خفيفة وهااااااك يا مقيل في الضحوية

magi السبت مايو 19, 2012 12:35 pm

**كمال مدني** السبت مايو 19, 2012 1:35 pm

احمد بشير ابراهيم كتب:
سلام عليكم يا شباب
جيناكم انحنا ناس البندر كان لقينا لينا معاكم بنبر بس كان فيهم واحد كريعاتوا طوال شوية يكون كويس باقي البنابر الواطيات ديل بخلن القومة صعبة وبتظهر علامات الكُبر, وشوفوا لينا حاجة غير القهوة دي لانها بترفع لينا الضغط وانحنا ما ناقصين, ويا كمال الروب بتاعك الماداير تديهو شيخ هيثم بالحيييييل بندوروا بس اول نجيب ليه السفن أب وكلم لينا ناس البطانه يشوفوا لينا كبده حاشي بالشطة الكاااااربة عشان ما نشربوا على بطن خفيفة وهااااااك يا مقيل في الضحوية

حباب أخو الحبان
وحباب ابو مصطفي
وحباب ناس البندر
وبنبرك جاهز وكمااان درجة اولي
والراكوبة هواها ارد الروووح
اخير من الشقق ام مكيفات
البتجيب وجع المفاصل...
جر جردل الرووب داك عليك
وامسك الكورية دي النقوم اجيب
ليك الداهي دااااك ..باقي انا ختيتو
ليك تحت التيبار عشان ابرد!!!
وجيب بنبرك بالجهة دي
عشان الهواء ما أضرُبك!!!
وكان لي كبده الحاشي
عقب ود اللمين الجزار بجي
اشرب قهوة المغربية وبحدثوا
بكرة من الفجرية بجهز لينا..

Abu Sara السبت مايو 19, 2012 4:34 pm

[b]مساكم الله بالخير
اخواني اهل الراكوبة...وان شاءالله دايما عامرين
احبابي كمال ومجدي
بالنسبة لكلمة (الفونقة)...هذة الكلمة مرتبطة ب كييفي الشاي...
الزول عندما يكون جاي من الخلا او الزرع تعبان وعرقان وخرمان وجيعان ...لكن الشوق للشاي اكتر... اها الجماعة في الراكوبة يجيبو ليهو كوز موية ساااقط و براد الشاي.. اها الزول الخرمان مجرد ما صبوا الشاي وقبض كبايتو كب ...اول رشفة للشاي يبدا بالكلام والسوال فلان دا وينو ... والخريف السنة دي تقيل وكلامو بكثر...(اها دي الفونقة ) تخلي يفيق ويفوق ويتكلم ساي .. ما منو .. من الشاي .. اها الجماعة في الراكوبة الضحك كتلم ... والتعليقات بتكتر ...منهم البقول امك الشاي جاب خبرو ... ووحدين يقولو اها ازاعة امدرمان اشتغلت...والصاموتي والله كارب ...وتعليقات كتيرة...
عقب نتلاقي في عصرية تاني ان الله مد في العمر

احمد بشير ابراهيم السبت مايو 19, 2012 6:20 pm

ماقلنا ليكم اولاد بندر ساااااااااااااااااااااي الجاب التيبار شنو هنا يعني دايرين تجهجهونا وتسطحوا بينا ولا كيف يعني

**هيثم فتحي عبد الماجد** السبت مايو 19, 2012 6:34 pm

magi كتب:

هع راكوبة زى الراكوبه وأخوى ده ماصدق كتع الموية الصاااااااااااااااقطه بس أكان لقت ليها بطيخة تتخت جنب الزير المنقع ده الحكاية بتظبت والله أختنا ماجى زكرتينى راكوبة حبوبتى نور البيان رحمها الله تلقى فيها الزير والبطيخ والربيت نشبع تب تمك ولحم وربيت والله أيام كانت أيام

طه يوسف الأحد مايو 20, 2012 5:09 am

تحياتي للجميع, وكنا عايزين يا دكتور كمال الناس تعرفنا باسماء المكونات حقت الراكوبة الملمومين فيها دي, في ناس بتقول للاعمدة الاساسية الشعبة وناس يقولوا الدقاق والدقاق ده جاي من دق العيش في البلدات زمان بجمعوا قناديل العيش ودقوا بحطب معين بسموا الدقاق, والحطب البوصل بين الشعب في ناس بسموا الكوركي, وطبعا القش النال بكونوا عاملنه صريف يعني قش مضفور بطريقة فنية ومتماسك مع بعض وبغطوا بيه سقف الراكوبة مع القنا والدبارة للتربيط وطبعا المسالة متفاوته من مكان لآخر الا ان المكونات كلها واحده. وان شاء نكون اصبنا . واذا في تصحيح طبعا راكوبتنا مافيها باب يمكن للجميع الدخول والتصحيح والتصليح.

احمد بشير ابراهيم الأحد مايو 20, 2012 6:19 am

أهااااا يا خوانا طه ود يوسف الليله جابلكم القنا والشعب والحبال والدبارة عايز يشد ليكم الراكوبة وييوتدا كويس باقي الخريف قررررب وزي ما قلنالك يا طه انحنا وليدات بندر سااااي بس ايدنا فوق ايدك قول ناولوني وانحنا جاهزين. بس اهم حاجة تورينا كل حاجة بالصورة بتاعتها وبختوها وين في الراكوبة وبنحتاج لشنو من المعاول عشان نمشي ود ابكجيك نجيبه منه

كسره:
الافاضل الاكارم, خلونا كل يوم نمسك حاجه ونتناولها ونقتلها بحثاً حتى نستخرج كل مكنوناتها مع الملاحظة انها من كل بقاع السودان اي بنهاية اليوم حتكون عندنا حصيلة وافية من الموضوع نستفيد ونفيد

**كمال مدني** الأحد مايو 20, 2012 6:32 am

صباحكم خير احبابي
الشاي جاهز والبن
بتقلي علي النار
ويا ود البشير ابشر كبدة الحاشي
جاهزة .. بس الشافع المقصوف ده
رسلت لي ليمونة لليلة ما جاء صادي!!!..
وزي ما قال ود البشير يا احبابنا
كدي نمسك واحدة واحدة ..
ويا ريت لو نبدا براكوبة الاحباب
الشعبة والمرق والقنا..
وكل واحد يجود بالعندو

احمد بشير ابراهيم الأحد مايو 20, 2012 8:24 am

[size=18]عارفكم نسايين عشان كده شايل ليمونتي في جيبي.
الشعبة جزع شجرة قطره لا يتجاوز ال40 سم وتكون نهايته على شكل الرقم 7 بالعربي وكيبوردي ده المطرطش ده ما بجيب الارقام بالعربي عشان كده نقول حرف Y بالانجليزي بيتحفر ليه في الواطة في اركان الراكوبة الاربعة وممكن يزيدوا عشان نكبر المساحة وبعداك نرقد المروق (جمع مرق وهو جزع آخر بنفس السمك او اقل قليلاً وبدون حرف ال Y) فيهو في مكان حرف الY ويتربط بالحبال المتينة فيصبح الشكل مربع ثلاثي الابعاد ثم تُرص القنايات (القنا وهي فروع الاشجار) حتى تُشكل شبكة بالطول والعرض او ممكن باتجاه واحد فقط يعني يا طول يا عرض. تفرش البروش (جمع البرش وهو بُساط ينسج من سعف النخل) على سقف الراكوبة حتى تظللها من الشمس.
الواطة لازم تكون تراب ويفضل الرمل وتترش بالموية وتكون الراكوبة فاتحة من كل الجهات عشان الهمبريب يضرب وتبقى بااااارد ولا تكييف الاسبليتات
اها يا جماعة الخير رايكم شنو في اولاد البندر بعرفوا ولا لا[/color]

**هيثم فتحي عبد الماجد** الأحد مايو 20, 2012 2:18 pm

هع عساااااااااك سالم ياود البشير والله أكان ماعرفناك بى ود أمدر أان نقول ساااااااااكن جنبنا فى طرف الضهرة والله لكن علم ياود البشير هااااك الغباشه دى صاااااقطه تلقاك عطشت من سواجة الراكوبة والكورة دى أكان ما اروتك تانى بنزيدك السعن مليان واللمى فى لكن ماراكوبة يادكتور

حليل أهلى وينكم ياناااااااااس الراكوبة وين رحت البن وكورة الرووووووووووووووووووب والبنابر ديل مالهن ناقصات

**كمال مدني** الإثنين مايو 21, 2012 3:35 pm

الليلة الحبان كلهم في فزعة قالوا اكربو الراكوبة دي
تمام وبعيد اجو أقيلوا ،، وود البشير ما قصر جاب ليكم
الشعب والقنا ،،، وظنيتو سقفا ليكم ذي حقت ناس البندر
بالبروش باقي نحن بنعرف القش بتاع سقف الراكوبه
وينك يا ابويوسف وشيخ هيثم كدي افيدونا في السقف دا...

طه يوسف الإثنين مايو 21, 2012 4:32 pm

مساكم الله بالخير, مشينا كونا ذبرما وجبنا منها كاره ملان بالقش المضاد للحرائق والمياه, خليكم جاهزين عشان بكره نكمل ورتب حالنا لانه ناس المباركه بدأوا اجونا.

**كمال مدني** الأربعاء مايو 23, 2012 5:53 am

Abu Sara كتب:
مساكم الله بالخير
اخواني اهل الراكوبة...وان شاءالله دايما عامرين
احبابي كمال ومجدي
بالنسبة لكلمة (الفونقة)...هذة الكلمة مرتبطة ب كييفي الشاي...
الزول عندما يكون جاي من الخلا او الزرع تعبان وعرقان وخرمان وجيعان ...لكن الشوق للشاي اكتر... اها الجماعة في الراكوبة يجيبو ليهو كوز موية ساااقط و براد الشاي.. اها الزول الخرمان مجرد ما صبوا الشاي وقبض كبايتو كب ...اول رشفة للشاي يبدا بالكلام والسوال فلان دا وينو ... والخريف السنة دي تقيل وكلامو بكثر...(اها دي الفونقة ) تخلي يفيق ويفوق ويتكلم ساي .. ما منو .. من الشاي .. اها الجماعة في الراكوبة الضحك كتلم ... والتعليقات بتكتر ...منهم البقول امك الشاي جاب خبرو ... ووحدين يقولو اها ازاعة امدرمان اشتغلت...والصاموتي والله كارب ...وتعليقات كتيرة...
عقب نتلاقي في عصرية تاني ان الله مد في العمر

[b]ومع الصباحية الواحد داير ليهو
كبابية شاي كاربة عشان افوووق...
عودا حميد ابو سارة وتقبل الله عُمرتك
وكُتب لك أجرها...

طه يوسف الأربعاء مايو 23, 2012 2:00 pm

السلام عليكم يا جماعة الخير, طلبناكم في النفير وقلنا كل زول بفطوره, ما جتيونا لكن نحن كملنا شغلتنا وراكوبتنا بقت واقفة تب جيبوا البروش وعزموا الناس للكرامه بكره بدري باقي شيخ هيثم هدى لينا عنبلوكاً سمين وباقي حاجته كلها جبناها. في امان الله.

احمد بشير ابراهيم الأربعاء مايو 23, 2012 5:53 pm

والله يا طه لي 3 ايام بحاول اعزمكم فطور الا منتدى الجن ده ما داير يقبل الصورة مني وكل شوية تجيني رسالة تقول لي راجع المدير العام لانك جديد وما كملت اسبوع من اشتراكك, غايتو دي محاولة جديده ان شاء الله تنجح لانه أُم مصطفى سوت الحاجات دي 3 مرات وتاني كان قلت ليها سويها بصوتوني العصيده.
هييييع انا اخو البنات.

احمد بشير ابراهيم الأربعاء مايو 23, 2012 6:10 pm

ياجماعة تعالوا اتعشوا وبالله ياكمال كلم لينا ود اللمين يجينا فجاري عشان ينحر لينا الحاشي ونجمع الحبان ونكرم الضيفان وشوفولنا ناس البطانة الليجوا يدونا من الرباعيات البتطربنا ديك

اهل الراكوبة اهل البنابر اهل القهوة والشاي والقنانه انا تائه محتاج لدليل وطبعا متأخر عشان كدا ما وجد بنبر واخونا ود الدناقلة ما قصر رش الواطة وكمان قشاها وساواها ما قصر تب عشان الواحد لما يكون متأخر ما يجد بنبر يقعد ويتفرجخ في الدائمة دي والحمد لله لقيت لي مكان وجلست وسمعت كلام سمح من الناس الجالسين في البنابر من دغش وسمعت لاول مرة ب ( الفونقة ) وكمان مشكور يادكتور الشيخ علي المعلومة والشرح الوافي واخوي مجدي ابو خالد مشتاق لابري الابيض لاكن يا ابو خالد الابري دا معروف للجميع وانا عارفك انت مشتاق للكبري والجلسة والشاي اهو دكتور كمال عمل ليك راكوبة وطه يوسف حيجيب بناء من .ابايو - حنوب شرق القضارف تخصص رواكيب كرانك قطاطي... قبل ما انسي يامجدي انت قاصد الكركدي الابيض وليس الابري الابيض ... كدي انا شايف لي بندر فضه اقوم عشان اقعد عليهو دكتور كمال بصيح ما لو يا شيخ هيثم قبل ما شيخ هيثم يرد ياجماعة استاذ عبد الرازق قال البنبر دا ادوه للنسوان في الناحية التانية معليش رجعت ليك يا الدائمة وشكرا ليك يا اخونا طه علي الفطور ياجماعة كدي اسمحوا لي ان امشي عشان حاجات تاني حامياني